“Gainera datorkigun lan erreforma hobeto ezagutzeko” hitzaldia antolatu du gaur arratsalderako LAB sindikatuak. Hitzaldia kultur etxean izango da, 19.30etan hasita.

Ostiral honetan monologo bat eskaintzekoa zen Jon Plazaola urretxuarra. Arazo pertsonalak tarteko, ordea, ekimena bertan behera gelditu dela aurreratu dute Gazte Asanbladako kideek.

Apirilaren 6tik 7ra, Saratik Lesakara, egingo den Gazte Martxaren aurkezpena egingo dute ostiral honetan gazte independentistek. Aurkezpena arratsaldeko 19.00etan izango da, gaztetxean.

Bertan, martxaren nondik-norakoak azalduko dituzte, hala nola; egitaraua, bonoen kontua, autobuserako izen-ematea… Apirilaren 8an, Independentistak Sarearen deialdiarekin bat eginez, Iruñean emango zaio amaiera ekimenari.

Info+ jalgihadigaraipenera.com

Sortu berrian den zestoako Malder taldea Gaztea Maketa Lehiaketako bigarren fasera pasa da “Euri nintzen” abestiarekin.

Euren alde bozka eman nahi baduzu klikatu hemen. “Euri nintzen” abestian bozkatu botoian klik egin eta behean dagoen formularia bete behar da.